Balivijskija vytvorcy koki patrabujuć viarnuć Maralesa
Prafsajuzy vytvorcaŭ koki ŭ pravincyi Čapare, prafsajuznaj bazie Eva Maralesa, zajavili, što nie pryznajuć apazicyjnaha sienatara Žanin Ańjes vykanaŭcaj abaviazkaŭ prezidenta i abviaścili «nacyjanalnuju mabilizacyju», patrabujučy viartańnia Maralesa, piša ria.ru.
Ańjes ŭ aŭtorak zajaviła, što časova prymaje na siabie paŭnamoctvy prezidenta Balivii paśla adstaŭki kiraŭnictva krainy. Kanstytucyjny sud paćvierdziŭ zakonnaść pieradačy joj ułady.
«My zajaŭlajem ab nacyjanalnaj mabilizacyi suprać dziaržaŭnaha pieravarotu, ździejśnienaha ŭ našaj krainie, my nie prymajem samaabviaščeńnia spadaryni Ańjes i prosim abjadnać namahańni z usimi hramadskimi arhanizacyjami», - zajaviŭ vice-prezident šaści fiederacyj vytvorcaŭ koki Andronik Radryhies.
Jaho zajava prahučała ŭ efiry radyjo prafsajuza Kausachun Coca, paśla taho, jak Ańjes zaniała pasadu.
Na vybarach 20 kastryčnika Marales byŭ abvieščany pieramožcam u pieršym tury, ale jaho asnoŭny sapiernik Karłas Miesa nie pryznaŭ vyniki hałasavańnia. U niadzielu uzbrojenyja siły Balivii zaklikali Maralesa pakinuć pasadu dla zabieśpiačeńnia stabilnaści ŭ krainie, paśla čaho jon abviaściŭ ab adstaŭcy i pakinuŭ krainu.