Histaryčny centr Vieniecyi całkam zatapiła
Uzrovień vady ŭ Vieniecyi ŭźniaŭsia da rekordnaj adznaki ŭ 187 sm z-za niepahadzi, jakaja abrynułasia na horad. Uvieś histaryčny centr zatopleny, piša rbc.ru.
Płošča Śviatoha Marka znachodzicca całkam pad vadoj, uzrovień jakoj užo dasiahnuŭ mietra. Taksama zatopleny adnajmienny sabor, paškodžana jaho častka, napiaredadni adrestaŭravanaja marmuram.
Mer horada Łuidžy Bruńjara ŭ tvitary nazvaŭ situacyju «dramatyčnaj».
Letaś u Vieniecyi z-za štarmavoha vietru taksama adbyłasia najmacniejšaja za apošnija hady pavodka, u vyniku čaho 70% horada apynułasia pad vadoj.