Paštovy servis ProtonMail zastajecca niedastupny ŭ Biełarusi
Biełaruskija internet-karystalniki źviarnuli ŭvahu na toje, što abaronieny paštovy servis ProtonMail ad čaćviarha 17 listapada staŭ niedastupny ŭ Biełarusi. Hety servis viadomy tym, što jaho vykarystoŭvajuć zvyčajnyja karystalniki dla kanfidencyjnaj pierapiski, a taksama złamyśniki, jakija «minirujuć» roznyja hramadskija miescy praz paviedamleńni na ProtonMail, kab było niemahčyma ich identyfikavać.
Aficyjnaj infarmacyi nakont błakavańnia niama. Adnak raniej u červieni hetaha hoda ŭžo byli paviedamleńni pra toje, što servis ProtonMail niedastupny ŭ Biełarusi.