U minskim bambaschoviščy znajšli aptečki ź psichatropam
Supracoŭniki narkakantrolu Pieršamajskaha RUUS ŭ bambaschoviščy vyjavili aptečki ź lekavym srodkam «Taren», jakija źmiaščajuć psichatropnaje rečyva, paviedamlaje staličnaja milicyja.
Zbudavańnie znachodzicca na terytoryi adnaho z pradpryjemstvaŭ Frunzienskaha rajona. Kanfiskavana bolš za 1300 tabletak, jakija znachodzilisia ŭ 232 indyvidualnych aptečkach «AI-2». Ahulnaja vaha zabaronienaha rečyva - bolš za 290 hramaŭ.
Pravaachoŭniki nahadvajuć, što ŭ ciapierašni čas ustalavany dziaržaŭny kantrol za zachoŭvańniem i vykarystańniem indyvidualnych aptečak «AI-2», tak jak tabletki «Taren» uklučanyja ŭ śpis preparataŭ, jakija źmiaščajuć psichatropnyja rečyvy. Kiraŭniki pradpryjemstvaŭ i arhanizacyj u vypadku vyjaŭleńnia najaŭnaści nazvanych aptečak na zachoŭvańni pavinny arhanizavać ich źniščeńnie.