Rumas palacieŭ u Vialikabrytaniju
Premjer-ministr Biełarusi Siarhiej Rumas nakiravaŭsia z dvuchdzionnym rabočym vizitam u Vialikabrytaniju, piša BiełTA.
Siońnia ŭ Łondanie kiraŭnik biełaruskaha ŭrada praviadzie sustrečy z členam brytanskaj karaleŭskaj siamji pryncam Majkłam Kienckim i prezidentam Jeŭrapiejskaha banka rekanstrukcyi i raźvićcia Sumaj Čakrabarci. Projduć pieramovy z kiraŭnictvam kampanii CAD CAM Automotive, pa vynikach jakich čakajecca padpisańnie pahadnieńnia ab stvareńni zboračnaj vytvorčaści biełaruskich elektrobusaŭ u Vialikabrytanii.
Siarhiej Rumas 22 listapada prymie ŭdzieł u pieršym inviestycyjnym samicie Jeŭrapiejskaha banka rekanstrukcyi i raźvićcia dla krain - udzielnic «Uschodniaha partniorstva». U hety ž dzień zapłanavany asobnyja sustrečy z kiraŭnictvam JEBRR, Jeŭrapiejskaha inviestycyjnaha banka. Čakajecca padpisańnie dakumientaŭ u raźvićcio supracoŭnictva Biełarusi ź jeŭrapiejskimi bankami.
Prahramaj rabočaha vizitu taksama praduhledžany pieramovy Siarhieja Rumasa ź jeŭrakamisaram pa pytańniach pašyreńnia i palityki dobrasusiedstva Johaniesam Chanam i premjer-ministram Ukrainy Alaksiejem Hančarukom.