Restaran u Mahilovie viarnuŭ klijentam hrošy za niasmačny šašłyk, a paśla padaŭ na ich u sud
Absurdnaja i niedarečnaja situacyja skłałasia vakoł restarana «Mimino».
Historyja pačałasia jašče paŭhoda tamu. Kampanija maładych ludziej vyrašyła pravieści viečar u «Mimino», zamovili bulbu, šašłyk. Adnak na smak zamoŭlenaja ježa maładym ludziam nie spadabałasia. Akazałasia, što šašłyk pierasalili, bulba zusim nie taja, što zamaŭlali, a ŭ miasnoj talercy nie akazałasia palandvicy, jakaja ŭkazvałasia ŭ mieniu. Nieŭzabavie znajšoŭsia i vałasok u šašłyku, jaki staŭ apošniaj kroplaj. Pradjaviŭšy vusnyja pretenzii, maładyja ludzi atrymali nazad hrošy i syšli.
Restaran «Mimino»
A ŭ kastryčniku restaran pieradumaŭ i vyrašyŭ viarnuć hrošy, jakija spłacili naviednikam, bo paličyli, što hrošy byli spłačanyja pamyłkova.
Klijenty ŭ svaju čarhu padali sustrečny pazoŭ da restarana za nienaležnuju jakaść pradukcyi.
Administratar supołki «Narodny patrul» raskazaŭ «Našaj Nivie» pra pazicyju restarana «Mimino»: maŭlaŭ, toj, chto prynios hrošy ŭ kasu restarana, staŭ haspadarom i šašłyka, i bulby, i palandvicy.
Heta značyć, sustrečny pazoŭ na nienaležnuju jakaść kulinarnych straŭ, vyrablenych restaranam, treba padavać nie na restaran, a na taho, chto pačastavaŭ usich astatnich svaich siabroŭ hetymi stravami.
Sudovy praces praciahvajecca.
U restaranie «Mimino» karespandentu «Našaj Nivy» kamientavać situacyju admovilisia: maŭlaŭ, heta pryvatnaja sprava.