Zamiežnika, što pieravoziŭ praź miažu bujnuju partyju narkotykaŭ, asudzili da 19 hadoŭ kałonii
U sudzie Bresckaha rajona siońnia abviaścili prysud u dačynieńni da zamiežnika, jaki pieravoziŭ praź miažu bujnuju partyju psichatropaŭ i narkotykaŭ, pieradaje BIEŁTA.
51-hadovy hramadzianin Ukrainy i Słavakii byŭ zatrymany ŭviečary 16 maja ŭ punkcie propusku «Damačava» pry ŭjeździe ŭ Biełaruś. Padčas ahladu ŭsiodarožnika «Falksvahien» pahraničny narad vyjaviŭ u aŭtamabili narkotyki. U hazavym bałonie byli vyjaŭlenyja pakiety z roznakalarovymi tabletkami kala 70 kh, a ŭ parohach aŭtamabila — brykiety z rečyvam biełaha i karyčnievaha koleru ahulnaj masaj 12,5 kh. Ekśpiertyza ŭstanaviła, što tabletki ŭtrymlivajuć asabliva niebiaśpiečnaje psichatropnaje rečyva MDMA (ekstazi), a paraškom apynuŭsia kakain.
Sudovyja słuchańni pa kryminalnaj spravie praciahvalisia z 4 listapada. U vyniku sud pahadziŭsia z kvalifikacyjaj dziejańniaŭ abvinavačanaha orhanam papiaredniaha śledstva. Mužčyna pryznany vinavatym u ździajśnieńni złačynstvaŭ, praduhledžanych č.3 art.328 i č.2 art.328-1 (niezakonny abarot i niezakonnaje pieramiaščeńnie praz mytnuju miažu narkatyčnych srodkaŭ, psichatropnych rečyvaŭ, ich prekursoraŭ i anałahaŭ) Kryminalnaha kodeksa. Jamu pryznačana pakarańnie ŭ vyhladzie 19 hadoŭ pazbaŭleńnia voli z adbyvańniem u kałonii ŭzmocnienaha režymu.