U ZŠA zapatrabavali poŭnaha adchileńnia Rasii ad Alimpijadaŭ
Antydopinhavaje ahienctva ZŠA (USADA) vystupiła z zajavaj adnosna rekamiendacyi Suśvietnaha antydopinhavaha ahienctva (WADA) adchilić Rasiju ad udziełu ŭ mižnarodnych startach na čatyry hady z-za manipulacyj z dadzienymi Maskoŭskaj łabaratoryi. Tekst dastupny na sajcie arhanizacyi.
Kiraŭnik USADA Trevis Tajhard zaklikaŭ WADA adstajać kaštoŭnaści alimpijskaha sportu. Jon nazvaŭ rekamiendacyju kamiteta pa adpaviednaści pazbavić Rasiju mižnarodnych spabornictvaŭ nieadekvatnaj mieraj.
«WADA nieabchodna stać bolš žorstkaj. Patrebna poŭnaja zabarona na ŭdzieł rasijanaŭ u Alimpijadach — nakolki heta dazvalajuć ciapierašnija praviły. Tolki tak možna pryciahnuć uvahu rasijskaha boku, paŭpłyvać na jaho pavodziny», - pierakanany funkcyjanier.