U kožnym rajonie Minska zrobiać pa piać śniežnych horak dla katańnia
Pra heta paviedamiŭ siońnia žurnalistam namieśnik staršyni Minharvykankama Alaksandr Darachovič, piša BiełTA.
«U hetym hodzie my pastavili zadaču — u kožnym rajonie stalicy, vykarystoŭvajučy naturalnyja pierapady vyšyń, uchiły, treba zrabić takija horki. Sprabavali pieršyja hady zalivać vadoj, ale heta byŭ nie zusim udały vopyt. Tamu, jak tolki źjavicca śnieh (albo vykarystajem štučny — ź Viaśnianki), budziem hetyja miescy zasypać, ukatyvać. U siarednim my pastavili zadaču, kab u kožnym rajonie było minimum piać takich kropak», - skazaŭ Alaksandr Darachovič.
Pry hetym jon akcentavaŭ uvahu na stvareńni biaśpiečnych umoŭ katańnia dla dziaciej: horki robiacca z bartami, nie zanadta vialikim uchiłam i biaśpiečnym vyjezdam.