U Lachavickim rajonie złavili 14-kiłahramovaha ščupaka FOTA
Hety ščupak «nahulaŭ» 14 kiłahramaŭ, pakul u minułuju niadzielu nie trapiŭ na kručok Siarhieja Backaleviča. Rybałka viałasia na vadaschoviščy Miničy, z vykarystańniem śpininha. U jakaści nažyŭki Siarhiej vykarystoŭvaŭ admysłovuju silikonavuju prynadu-imitacyju, piša Lachavicki vieśnik.
Siarhiej raskazaŭ, što zmahacca z račnym drapiežnikam daviałosia chvilin dvaccać. Za hety čas atrymoŭvałasia niekalki razoŭ padvieści ščupaka da samaha borta łodki, ale z-za adsutnaści padchvatnika padniać usio nijak nie vypadała. Tolki čaćviortaja ci moža, navat, piataja sproba akazałasia paśpiachovaj.
«Dziakuj siabru, razam ź jakim znachodzilisia ŭ łodcy. Kali b zmahacca z rybinaj daviałosia adnamu, to nie viedaju, čym by ŭsio i zaviaršyłasia», — kaža Siarhiej.