Infiekcyjnuju balnicu pieraniasuć z centra Minska
Haradskaja infiekcyjnaja kliničnaja balnica pierajedzie z centra Minska na ŭskrainu — jak miarkujecca, u Navinki. Pra heta «Minsk-Navinam» paviedamiŭ hałoŭny ŭrač miedycynskaj ustanovy Mikałaj Juroŭski.
Ciapier budynak balnicy raźmiaščajecca na vuł. Krapotkina, 76.
— Płanujecca, što budaŭnictva novaj kliniki pačniecca ŭ najbližejšyja piać hadoŭ, — adznačyŭ M. Juroŭski. — Uličvajučy, što naš stacyjanar infiekcyjny, u im niama chirurhičnaj i hiniekałahičnaj słužbaŭ, tamu pobač z novaj infiekcyjkaj miarkujecca jašče i budaŭnictva šmatprofilnaj kliničnaj balnicy. Heta značyć abiedźvie budoŭli płanujecca vieści adnačasova.
Hałoŭny ŭrač taksama patłumačyŭ, navošta infiekcyjnaj klinicy susiedstva z zvyčajnym stacyjanaram.
— Niekatoryja našy pacyjenty majuć patrebu ŭ chirurhičnym lačeńni, a my na miescy nie možam im dapamahčy. Prychodzicca nakiroŭvać ich u inšyja kliniki, jakija terytaryjalna da nas bližej, — u druhuju, u treciuju, čaćviortuju. Naturalna, pieravodzim tudy našych pacyjentaŭ, kali ŭ ich užo vyklučajecca infiekcyjnaje zachvorvańnie.