Jeŭraparłamient zaćvierdziŭ novy skład Jeŭrakamisii
Jeŭraparłamient zaćvierdziŭ novy skład Jeŭrakamisii na čale z Ursułaj fon der Lajen.
Jeŭrakamisija ŭ novym składzie prystupić da pracy z 1 śniežnia. Prapanavany śpis padtrymali 461 deputat Jeŭraparłamienta, 157 prahałasavali suprać i jašče 89 ustrymalisia.
Vice-prezidentami Jeŭrakamisii zaćvierdžany Franc Tymiermans (Niderłandy), Marharet Viestahier (Danija), Vałdzis Dambroŭskis (Łatvija), Žazep Barel (Ispanija), Viera Jurava (Čechija), Marharycis Schinas (Hrecyja), Maraš Šefčavič (Słavakija) i Dubraŭka Šujca (Charvatyja).
Były ministr abarony Hiermanii Ursuła fon der Lajen — pieršaja žančyna na pasadzie kiraŭnika Jeŭrapiejskaj kamisii, jaje zaćvierdzili na hetuju pasadu ŭ lipieni. Palityk źmienić 64-hadovaha Žan-Kłoda Junkiera, jaki ŭznačalvaŭ orhan ź listapada 2014 hoda.