U Francyi znajšli «palealityčnuju Vienieru», jakoj 23 tysiačy hadoŭ
Statuetka bahini ŭradlivaści Vieniery časoŭ poźniaha palealitu znojdzienaja ŭ rajonie Renankur horada Amjen (departamient Pikardzi na poŭnačy Francyi), piša tass.ru. Pa słovach navukoŭcaŭ, havorka idzie pra vyklučnuju znachodku, bo fihurka znachodzicca ŭ vydatnym stanie.
«Statuetka vyšynioj 4 sm adnosicca da hravietskaj kultury poźniaha palealitu. Joj 23 tys. hadoŭ», - havorycca ŭ paviedamleńni. Viek Vieniery ekśpierty vyznačyli z dapamohaj radyjevuhlarodnaha analizu.
Pobač ź fihurkaj navukoŭcy znajšli niekalki hlinianych askiepkaŭ i reštki instrumientaŭ. Na dumku archieołahaŭ, tam mahła być majsternia, dzie miascovyja ramieśniki vyrablali pradmiety kultu.
Usiaho na terytoryi Jeŭropy było znojdziena kala sotni padobnych fihurak.
Hravietskaja kultura — archieałahičnaja kultura poźniaha palealitu, datavanaja 28-21 tys. h. da n.e. Nazvanaja ŭ honar piačory Ła-Hraviet u diepiertamientie Dardoń na paŭdniovym zachadzie Francyi, dzie ŭ 1930-ja byli znojdzienyja kamiennyja pryłady i pradmiety pobytu, što charaktaryzujuć hetuju epochu.