Minčuk znajšoŭ u taksi čužy telefon i adrazu pradaŭ na rynku
Minčuk zabraŭ čužy zabyty ŭ taksi mabilny telefon i pradaŭ jaho na rynku, paviedamlaje staličnaja milicyja.
21-hadovy žychar stalicy padčas pajezdki ŭ taksi znajšoŭ u sałonie aŭto mabilny telefon. Nie pytajučysia ŭ kiroŭcy ab uładalniku pryłady, chłopiec zabraŭ jaho sabie i vyjšaŭ z mašyny. Zatym minčuk pradaŭ telefon na adnym sa staličnych rynkaŭ, a atrymanyja za jaho hrošy patraciŭ na asabistyja patreby.
Pasažyr, čyj telefon znajšoŭ małady čałaviek, nie zmoh samastojna adšukać darahi hadžet i źviarnuŭsia pa dapamohu da supracoŭnikaŭ milicyi, jakija vyśvietlili asobu złačyncy. Ahulnaja suma škody skłała 2 tys. rubloŭ