Niećviarozy žychar Homiela napaŭ ź siakieraj na navahodniuju jołku
Zdareńnie adbyłosia pozna viečaram 12 studzienia. U Navabielicki RAUS Homiela pastupiła paviedamleńnie ad supracoŭnika milicyi, jaki nios słužbu pa achovie hramadskaha paradku pa vulicy Iljiča. Prykładna ŭ 22.30, znachodziačysia kala ŭvachodu ŭ kinateatr «Mir», jon pačuŭ hrukat, paśla čaho na jołcy patuchła aśviatleńnie. Paśla hetaha, ad jaje pačaŭ adychodzić mužčyna ź siakieraj u rukach. Supracoŭnik milicyi jaho zatrymaŭ, paviedamlaje abłasnaja milicyja.
Vyśvietliłasia, što heta 39-hadovy žychar abłasnoha centra, u stanie ałkaholnaha apjanieńnia. Znachodziačysia la navahodniaj jełki, jon nanios niekalki udaraŭ siakieraj pa elektryčnym ščytku, paśla čaho vyrašyŭ uciačy.