Adna z najstarejšych biełaruskich partyj źmianiła nazvu
Na pasiadžeńni, što prajšło 11 studzienia, siabry Centralnaj rady partyi «Biełaruskaja sacyjał-demakratyčnaja hramada» nie tolki vyznačyli patencyjnaha kandydata ŭ prezidenty (Siarhieja Čaračenia), ale i vyrašyli źmianić nazvu: zaraz prosta «Hramada».
Nazvu «Hramada» zaraz buduć vykarystoŭvać u sacyjalnych sietkach i na sajcie. Hetkaja nazva ŭžo prapisanaja ŭ statucie jak «skaročanaja», ale raniej partyjcy čaściej užyvali abrevijaturu BSDH. Rašeńnie źmianić heta pryniali adzinahałosna. Adras sajtu Bsdg.by pakul nie mianiajuć.
U Biełarusi jość jašče dźvie «Hramady»: heta BSDP «Hramada», jakuju ŭznačalvaje Ihar Barysaŭ, i niezarehistravanaja «Narodnaja hramada» Mikoły Statkieviča.