Iranskija studenty admovilisia taptać ściahi ZŠA i Izraila VIDEA
Natoŭp studentaŭ-pratestoŭcaŭ la Univiersiteta Biechiešci ŭ Iranie admoviŭsia taptać hihanckija ściahi ZŠA i Izraila, jakija byli namalavanyja na ziamli.
Ściahi byli namalavanyja na ziamli, kab tyja, chto išoŭ pa maršrucie, źnievažali abiedźvie krainy — ich urad Irana ličyć vorahami.
Admovu ad taptańnia ściahoŭ Izraila i ZŠA iranskimi studentami možna ŭsprymać jak formu pratestu i niepadparadkavańnia miascovym uładam.
Tysiačy pratestoŭcaŭ, što vyhukvali antyŭradavyja łozunhi, vyjšli na vulicy paśla taho, jak iranskija vajskoŭcy pryznali, što jany pamyłkova źbili pasažyrski samalot.
Takija pavodziny iranskich studentaŭ acaniŭ prezident ZŠA Donald Tramp.
«Vaŭ! Vydatnyja iranskija pratestoŭcy admovilisia taptać abo niejkim čynam čarnić naš Vialiki Amierykanski Ściah. Jaho namalavali na vulicy, kab jany taptali jaho, a zamiest hetaha jany abyšli jaho. Vialiki prahres!» — napisaŭ prezident ZŠA ŭ tvitary.