Kola Łukašenka zavajavaŭ dypłom treciaj stupieni na abłasnoj alimpijadzie pa chimii
Kola Łukašenka (kala akna) padčas vystupu na rajonnym etapie respublikanskaj alimpijady. Fota z sajta o-gorodok.minsk.edu.by
Małodšy syn prezidenta Kola Łukašenka ŭznaharodžany dypłomam na abłasnym etapie respublikanskaj alimpijady pa chimii. Infarmacyja pra heta źjaviłasia na sajcie hałoŭnaha ŭpraŭleńnia adukacyi Minskaj vobłaści, piša Tut.by.
Nahadajem, što Mikałaj Łukašenka vučycca ŭ Astrašycka-Haradockaj siaredniaj škole. Jon, a taksama jašče adzin vučań dziaviataha kłasa hetaj ža škoły pradstaŭlali Minski rajon na abłasnym etapie alimpijady pa chimii, jaki prachodziŭ z 13 pa 17 studzienia ŭ Miensku. Ich padrychtoŭkaj zajmałasia nastaŭnik vyšejšaj katehoryi Halina Makarava.
U vyniku dypłom treciaj stupieni zavajavaŭ tolki Kola Łukašenka. Heta značyć, jon zaniaŭ adno ź miescaŭ z 6-ha pa 10-je. Jašče adzin pradstaŭnik Minskaha rajona — vučanica 9 kłasa Zasłaŭskaj himnazii, jana atrymała dypłom pieršaj stupieni.
U čaćviortym, zaklučnym, etapie respublikanskaj alimpijady zvyčajna ŭdzielničajuć ŭładalniki dypłomaŭ pieršaj i druhoj stupieniaŭ. Ale, jak patłumačyli Tut.by va ŭpraŭleńni pa adukacyi Minskaha rajona, «pa niekatorych pradmietach biaruć i treciuju stupień».