Dźmitryj Miadźviedzieŭ prakamientavaŭ svaju adstaŭku
Były premjer-ministr Rasii Dźmitryj Miadźviedzieŭ nie bačyć u adstaŭcy ŭrada ničoha asablivaha. Pavodle jaho słoŭ, takija pieramieny naturalnyja dla luboj krainy, piša Interfax
Akramia taho, jon adznačyŭ, što źmiena ŭrada aznačaje źmieny ŭ krainie — «kanstytucyjnyja ci niejkija inšyja».
Takim čynam Miadźviedzieŭ prakamientavaŭ svaju adstaŭku. Były premjer vykazaŭ nadzieju na toje, što paśla farmiravańnia novaha ŭrada ŭsio budzie adbyvacca «naležnym čynam».