«Chaciełasia b troški padniać hetuju sumu»: u rabotnikaŭ zavoda ŭ Davyd-Haradku zarpłata — 170-180 rubloŭ
Pamočnik kiraŭnika dziaržavy, inśpiektar pa Bresckaj vobłaści Anatol Markievič 16 studzienia pravioŭ pryjom hramadzian na elektramiechaničnym zavodzie ŭ Davyd-Haradku Stolinskaha rajona. Siaredni zarobak za 2019 hod tut skłaŭ usiaho 381 rubiel, paviedamlaje STB.
Rabotniki pradpryjemstva sami źviarnulisia pa dapamohu ŭ Administracyju prezidenta.
«170-180 rubloŭ zarpłata, i chaciełasia b troški padniać hetuju sumu. Kalektyŭ užo stvaryŭsia, i my chočam pracavać u adnym vyznačanym kole, na svaim stałym miescy. I byli b niejkija palapšeńni ŭ našym zavodzie», — raspaviała supracoŭnica zavoda Hanna Jakimovič.
Było pryniata rašeńnie ŭziać situacyju na zavodzie pad kantrol.