U žanočaj estafiecie biełaruska stralała pa mišeniach Rasii
Žanočaja zbornaja Biełarusi pa bijatłonie ŭ składzie Dzinary Alimbiekavaj, Iryny Kryŭko, Hanny Soła i Aleny Kručynkinaj pakazała 12-y vynik u estafiecie na etapie Kubka śvietu ŭ niamieckim Rupoldynhu. Na svaim etapie Hanna Soła dapuściła pamyłku, nie pravieryła numara strałkovaj darožki i papała ŭ čužyja mišeni, piša pressball.by.
Voś jak pra situacyju raspaviadaje rasijanka Kryścina Razcova.
«Nie viedaju, chto stajaŭ napieradzie, pačała stralać pa majoj ustanoŭcy. Jana zrabiła dva streły ŭ maju, i mnie pryjšłosia dva patrony stralać u svaju zakrytuju ŭstanoŭku», — skazała rasijanka.
Hanna Soła, jakaja była toj samaj nieviadomaj spartsmienkaj, paźbiehła dyskvalifikacyi dla siabie i siabrovak. Kali b biełaruska adpraviłasia na štrafny kruh ź nieadstralanymi dadatkovymi patronami, jak zdałosia ŭ toj momant, byli b sankcyi na ŭsiu kamandu.
A tak, pa praviłach Mižnarodnaha sajuza bijatłanistaŭ, u pakarańnie za stralbu pa čužoj mišeni spartsmienu prosta fiksujecca promach, jak byccam jon stralaŭ pravilna, ale nie trapiŭ u cel.