Facebook nieprystojna pierakłaŭ imia kiraŭnika Kitaja. Daviałosia prasić prabačeńnia
U Facebook vyśviatlajuć, čamu imia kitajskaha lidara Si Czińpina pierakładałasia na anhlijskuju jak «Mr Shithole» — «mistar Pamyjnaja Dzira», piša Reuters.
Pamyłka ŭźnikła pry pierakładzie Facebook-dopisaŭ ź birmanskaj movy na anhlijskuju.
Dziŭny bah vyjavili na druhi dzień vizitu Si ŭ Mjanmu, kali jaho birmanskaja kaleha Aun San Su Čžy zapościła paviedamleńnie pra sustreču ź lidaram Kitaja. Pierakładzieny na anhlijskuju movu dopis źmiaščaŭ pamyłku.
Artykuł z pamyłkovym pierakładam źjaviŭsia i ŭ miascovym časopisie pad zahałoŭkam «Abied u honar prezidenta Pamyjnaj Dziry».
Kampanija Facebook paprasiła prabačeńnia za incydent.