Mižharodnija i mižnarodnyja pieravozki stanuć pryvatnymi?
Ministar transpartu i kamunikacyjaŭ Biełarusi nie vyklučaje, što pradpryjemstvy dziaržaŭnaj ułasnaści, jakija zajmajucca pieravozkaj pasažyraŭ, mohuć syści ź mižharodnich i mižnarodnych pieravozak.
Ministar transpartu i kamunikacyjaŭ Biełarusi nie vyklučaje, što pradpryjemstvy dziaržaŭnaj ułasnaści, jakija zajmajucca pieravozkaj pasažyraŭ, mohuć syści ź mižharodnich i mižnarodnych pieravozak.
«Ščyra kažučy, my bačym, jak hetyja pracesy ŭžo adbyvajucca», - zajaviŭ U.Sasnoŭski ŭ minuły čaćvier u Miensku na seminary pa prablematycy pasažyrskich aŭtapieravozak.
Jon patłumačyŭ, što ŭ pieršuju čarhu takaja sytuacyja vyklikanaja nia samaj hnutkaj finansava-ekanamičnaj palitykaj pradpryjemstvaŭ.
«Tut (u sfery mižharodnich i mižnarodnych pieravozak) patrebnaja vielmi hnutkaja finansavaja i ekanamičnaja palityka. Tut bujnyja pradpryjemstvy, mahčyma, utvaracca nia buduć, bo hnutkaść, jak my viedajem, im duža nie ŭłaścivaja», - adznačyŭ ministar.
Razam z tym, jon ličyć, što «nielha skazać, što dziaržava nie taki ŭžo vysokaefektyŭny ŭłaśnik, i dziaržaŭnyja pradpryjemstvy nia zdolnyja kankuravać u hetym sehmencie», i adznačyŭ pry hetym, što «sfera kankurentnaj baraćby pavinna pašyracca».
Jon taksama nahadaŭ, što niedziaržaŭnyja pieravozčyki zaniali peŭnuju nišu ŭ sfery aŭtapieravozak.
«Naprykład, pasłuhi lehkavych taksi. Sfera, u jakoj dziaržava praktyčna nie zajmajecca, - skazaŭ Sasnoŭski. - A sfera maršrutnych taksi była ŭvohule inicyjavanaja pryvatnymi investarami, chacia dziaržaŭnyja pradpryjemstvy padklučylisia na peŭnym etapie da hetaje pracy».