Novym kiraŭnikom praŭładnaha sajuza žurnalistaŭ staŭ Andrej Kryvašejeŭ
Kryvašejeŭ na fota sprava, Anatol Lemiašonak — pasiaredzinie, «Minsk-naviny»
4 lutaha prajšoŭ pazačarhovy plenum Biełaruskaha sajuza žurnalistaŭ. Anatol Lemiašonak, što kiravaŭ sajuzam 15 hadoŭ, padaŭ u adstaŭku, a novym staršynioj byŭ abrany palityčny ahladalnik BT Andrej Kryvašejeŭ, paviedamlajuć «Minsk-naviny».
Na mierapryjemstvie prysutničali ministr infarmacyi Alaksandr Karlukievič, eks-ministarka, a ciapier deputat Pałaty pradstaŭnikoŭ Lilija Ananič, kiraŭnictva respublikanskich i rehijanalnych ŚMI.
Kandydaturu novaha staršyni praŭleńnia ŭsie ŭdzielniki plenuma BSŽ padtrymali adnahałosna. Kryvašejeŭ na pasadzie budzie pracavać na hramadskich pačatkach da źjezdu BSŽ, jaki projdzie vosieńniu hetaha hoda. Jon zastajecca ŭ štacie BT palityčnym ahladalnikam.
Andrej Kryvašejeŭ naradziŭsia ŭ 1981 hodzie ŭ Vałhahradzie. Ad 1992 hoda žyvie ŭ Minsku, skončyŭ BNTU (2001). Na BT ad 2001 hoda.
Jahonaja žonka Valeryja Cimafiejeva-Kryvašejeva pracuje na «Sputniku», sam Kryvašejeŭ pastajanna źjaŭlajecca ŭ efiry «Sputnika».
Jon adzin z samych zaciatych krytykaŭ apazicyi.
U kancy hoda Kryvašejeŭ ulapaŭsia ŭ skandał, ahučyŭšy ŭ efiry BT miedycynskija dyjahnazy dziejačaŭ apazicyi abo ich svajakoŭ.