Tramp: ZŠA raźličvajuć vysadzicca na Marsie ŭ 2030-ja
Prezident ZŠA Donald Tramp zaklikaŭ Kanhres całkam prafinansavać amierykanskuju kaśmičnuju prahramu Artemis, kab Złučanyja Štaty stali pieršaj krainaj, jakaja vysadzić žančynu-astranaŭta na pavierchniu Miesiaca, a taksama ŭstaluje svoj ściah na Marsie, piša tass.ru. Pra heta amierykanski lidar zajaviŭ, vystupajučy ŭ aŭtorak pierad Sienatam i Pałataj pradstaŭnikoŭ sa štohadovym pasłańniem «Ab stanoviščy krainy».
NASA raniej abviaściła ab tym, što novaja amierykanskaja prahrama asvajeńnia Miesiaca atrymała nazvu Artemis. Jana budzie składacca z troch etapaŭ: pieršy (Artemis 1), zapłanavany na druhuju pałovu 2020 hoda, praduhledžvaje niepiłatavany palot ustalavanaha na rakietu SLS (Space Launch System) karabla Orion vakoł Miesiaca i jaho viartańnie na Ziamlu. Druhi etap (Artemis 2) — ablot Miesiaca z ekipažam na borcie — namiečany na 2022 hod. Na trecim etapie misii (Artemis 3) NASA raźličvaje ažyćciavić vysadku astranaŭtaŭ na Miesiac u 2024 hodzie i adpravić ich da Marsa aryjentavana ŭ siaredzinie 2030-ch.