Karanavirus: u Kitai pamior ad hoładu chłopčyk-invalid, baćka jakoha trapiŭ u karancin
U Kitai zvolnienyja sa svaich pasad dva čynoŭniki, što adpravili ŭ karantyn baćku chłopčyka-invalida z cerebralnym paralušam, piša bbc.com.
Baćka byŭ adzinym čałaviekam, jaki dahladaŭ chvoraha syna. 16-hadovy Jań Čen pamior u minułuju sieradu, praz tydzień paśla taho jak jaho baćka i brat byli izalavanyja pa padazreńni ŭ zaražeńni karanavirusam.
Za ŭvieś hety čas, jak vynikaje z paviedamleńniaŭ, chłopčyka karmili ŭsiaho dva razy.
U vyniku svaich pasadaŭ pazbavilisia sakratar miascovaha kamiteta kampartyi i mer horada ŭ pravincyi Chubej, dzie žyła siamja zahinułaha.
Baćka chłopčyka raźmiaściŭ zaklik ab dapamozie ŭ kitajskaj sacsietcy Weibo, u jakim raspavioŭ, što jaho syn, jaki pakutuje na DCP, niazdatny samastojna pierasoŭvacca, jeści i absłuhoŭvać siabie, zastaŭsia adzin biez vady i ježy.
Ułady viaduć rasśledavańnie abstavin śmierci padletka.