Navukoŭcy: vakcyna ad atypovaj pnieŭmanii moža spynić novy karanavirus
Karanavirus 2019-nCoV — blizki svajak atypovaj pnieŭmanii SARS, epidemija jakoj prakaciłasia pa śviecie ŭ 2003 hodzie. Da takoj vysnovy pryjšli kitajskija virusołahi, całkam rasšyfravaŭšy hienom uzbudžalnika novaj infiekcyi, piša bbc.com.
Vyśvietliłasia, što DNK karanavirusa z Uchań na 80% supadaje z hienietyčnym kodam uzbudžalnika ciažkaha vostraha reśpiratornaha sindromu SARS, uspyška jakoha 17 hadoŭ tamu zabrała bolš za 700 žyćciaŭ.
Tady ad atypovaj pnieŭmanii pamiraŭ amal kožny dziasiaty infikavany, adnak novy virus, pa słovach navukoŭcaŭ, značna mienš niebiaśpiečny.
«Faktyčna 2019-nCoV — heta viersija SARS, jakaja lahčej pašyrajecca, ale nanosić mienšuju škodu», — tłumačyć virusołah Univiersiteta Redynha Ien Džons.
Akramia taho, daśledavańnie kitajskich virusołahaŭ paćvierdziła, što novy karanavirus traplaje ŭ arhanizm čałavieka praz toj ža kletkavy receptar ACE2.
«A značyć, mietady lačeńnia i vakcyny, raspracavanyja dla SARS, pavinny być dziejnymi i ŭ vypadku Uchańskaha virusa», — padsumoŭvaje prafiesar Džons.