Na nastupnym tydni źjavicca mabilny dadatak z raskładam maršrutak u Minsku
Raskład staličnych maršrutak možna budzie daviedacca ŭ mabilnym dadatku, paviedamiŭ «Minsk-navinam» dyrektar HP «Staličny transpart i suviaź» Valer Škurataŭ.
— Jon budzie zapuščany ŭ testavym režymie ŭžo prykładna praz tydzień. Z dapamohaj mabilnaha dadatku pasažyry zmohuć nie tolki daviedacca pra raskład maršrutnych taksi i ich darohu śledavańnia, prykładny čas prybyćcia, ale i znajści aptymalnyja maršruty. Da 1 maja dadatak budzie pracavać u testavym režymie, karystalnikam (jak pasažyram, tak i pieravozčykam) prapanujuć vykazvać svaje zaŭvahi, — skazaŭ Škurataŭ.
Pakul haradžanie, jakija karystajucca maršrutkami, mohuć daviedacca pra ich raskład i mierkavany čas prybyćcia tolki ŭ śpiecyjalnym raździele na sajcie «Staličnaha transpartu i suviazi».