Na staličnaj CEC-2 sabrali 4 kiłahramy rtuci
4 lutaha ŭ 14:15 u MNS ad načalnika CEC-2, što na Aranskaj, pastupiła paviedamleńnie: padčas praviadzieńnia demantažnych rabot na terytoryi pradpryjemstva raźliłasia rtuć. Da miesca vykliku byli nakiravanyja ratavalniki, u tym liku śpiecyjalisty słužby chimičnaj i radyjacyjnaj abarony, paviedamlaje 112.by.
Vyśvietliłasia, što ŭ hałoŭnym korpusie turbinnaha adździaleńnia vyciekła rtuć z dyfierencyjalnaha rtutnaha manomietra. Paciarpiełych niama, evakuacyja nie pravodziłasia, technałahičny praces nie parušany.
Rabotniki MNS praviali demierkuryzacyjnyja pracy, było sabrana 4 kiłahramy rtuci, jašče 3 kh zastalisia ŭ demantavanym prybory. Pry dapamozie rtutnaha analizatara praviedzienyja zamiery najaŭnaści paroŭ rtuci ŭ pavietry. Pieravyšeńnia ŁDK (łimitava dazvolenaj kancentracyi) nie vyjaŭlena. Sabranaja rtuć źmieščanaja ŭ palimiernuju jomistaść i kanfiskavanaja dla dalejšaj ŭtylizacyi.