U Minsku «Falksvahien» źbiŭ 17-hadovuju dziaŭčynu, što pierabiahała darohu na čyrvonaje
Pra vypadak piša DAI ŭ svaim telehram-kanale.
35-hadovy kiroŭca na «Falksvahienie Poła» ruchaŭsia pa vuł. Varanianskaha z boku vuł. Žukoŭskaha ŭ napramku vuł. Čkałava. Na skryžavańni Varanianskaha i Avakiana jon ździejśniŭ najezd na 17-hadovuju dziaŭčynu, jakaja pierasiakała darohu pa dyjahanali ŭ rajonie rehulavanaha piešachodnaha pierachodu na čyrvonaje (pavodle infarmacyi vidavočcaŭ, jana śpiašałasia na aŭtobus).
Dziaŭčyna dastaŭlenaja ŭ miedycynskuju ŭstanovu: papiarednie dyjahnastavali čerapna-mazhavuju traŭmu.