«Jość mierkavańnie, što treba admianić parohavyja bały». Ministr adukacyi vykazaŭsia pra mahčymyja źmieny na CT
Fota Nadziei Bužan
U Ministerstvie adukacyi abmiarkoŭvajuć pytańnie pra admienu parohavych bałaŭ na CT. Pra heta napiaredadni piedahahičnaj kalehii paviedamiŭ ministr adukacyi Ihar Karpienka, piša Tut.by.
Pa słovach ministra, konkursnaja situacyja padčas pastupleńnia zaležyć ad roznych faktaraŭ. Naprykład, ad kolkaści vyłučanych miescaŭ, vynikaŭ unutranych ekzamienaŭ, sumoŭjaŭ.
— Pakolki my źmianili mietodyku padliku bałaŭ, jość mierkavańnie, što treba admianić parohavyja značeńni i dać mahčymaść lubomu abituryjentu z tymi bałami, jakija jon nabraŭ, sprabavać kankuravać u konkursnaj situacyi, — raspavioŭ Ihar Karpienka.
Paralelna, adznačyŭ ministr, u viedamstvie jość druhoje mierkavańnie — pakinuć parohavyja bały na raniejšym uzroŭni, i treciaje — pavysić ich.
— Dla nas adno vidavočna: my padkarektavali šerah zadańniaŭ, jakija buduć mienš spryjać uhadvańniu adkazu, — skazaŭ Ihar Karpienka. — Naprykład, kali pravilnymi buduć źjaŭlacca niekalki adkazaŭ, a nie adzin.
Heta, padkreśliŭ Ihar Karpienka, dapamoža adyści ad situacyi, kali možna adkazać na zadańnie «mietadam tyka». Adnak kančatkovaha adkazu adnosna taho, što budzie z parohavych bałami, adznačyŭ ministr, pakul nie pryniata.
Letaś bały na CT ličyli pa novaj mietodycy. Na dumku RIKV, mienavita jana adlustroŭvaje realny ŭzrovień viedaŭ abituryjentaŭ, a nie pakazvaje pracent zroblenych zadańniaŭ, jak heta było raniej. Vyniki CT 2019 hoda pakazali: pracent tych, chto pisaŭ teściravańnie dobra, zastaŭsia prykładna tam ža, a voś u vobłaści nizkich bałaŭ vyniki adčuvalna vyraśli, jak i prahnazavali ŭ RIKV.
Minuły hod dla sistemy adukacyi byŭ pierachodnym, tamu parohavyja bały, ź jakimi možna było padavać dakumienty ŭ pryjomnuju kamisiju, nie źmianiali, raspaviadaŭ na pres-kanfierencyi Juryj Miksiuk.
— Ale vidavočna, što ŭ nastupnym hodzie jany buduć pavyšany, — kazaŭ dyrektar RIKV.