Padarožžy ŭ prastory i časie
Małoje Sitna zrabiłasia miescam pałomnictva. Tam pierabyvali sotni ludziej. Ludzi ciahnucca da Paŭła Sieviarynca. Mo jon i jość novym maralnym lideram nacyi?
Małoje Sitna zrabiłasia miescam pałomnictva. Tam pierabyvali sotni ludziej. Ludzi ciahnucca da Paŭła Sieviarynca. Mo jon i jość novym maralnym lideram nacyi?
U Sitna, na paŭnočnuju viaršyniu krainy, pryjšło leta. Padsochła razmokłaja za daždžystuju viasnu daroha z Dretuni praz bary.
Darečy, mała chto viedaje, što mienavita ŭ Dretuni siadzieŭ u niamieckim kanclahiery Piatro Mašeraŭ, pakul jaho nie zabrała maci (pieršy hod vajny, pakul nie razharnułasia partyzanka, niemcy addavali viaźniaŭ na ruki svajakam).
Chto pajedzie ŭ Sitna nastupnym, padkažu, što Paŭłu treba: dobra b jamu zavieźci elektračajnik. Heta aščadziła b čałavieku čas i siły — ciapier jon karystajecca zvykłym kipiacilnikam.
A chto nia maje jak dajechać — čytajcie Sieviarynca štotydzień u «Našaj Nivie». Jahonyja «Listy ź lesu» — heta sapraŭdnyja padarožžy ŭ časie i prastory. Abmiežavany prastoraju katarhi, Pavał łunaje ŭ prastorach duchu.
Barys Tumar