A ja, Yahoo, prylahu
Papularnaja pošta yahoo.com skasoŭvaje słužbu zachoŭvańnia fajłaŭ na svaim sajcie.
Papularnaja pošta yahoo.com skasoŭvaje słužbu zachoŭvańnia fajłaŭ na svaim sajcie.U abviestcy, dasłanaj ŭsim karystalnikam hetaj elektronnaje pošty, paviedamlajecca, što 30 sakavika spynicca słužba zachoŭvańnia i ŭsim karystalnikam rekamiendujecca pieranieści fajły na ułasny kampjutar.
Pasłuha Yahoo Briefcase była vielmi zručnaj: jana zachoŭvała dakumienty i karystalnik pošty mieŭ da ich dostup praź luby kampjutar, padklučany da Sieciva. Siervis pracavaŭ ciaham 10 hadoŭ, dajučy karystalniku dyskavuju prastoru pamieram 30 miehabajtaŭ. Pavodle internet-vydańnia compulenta słužba zachoŭvańnia fajłaŭ na «Jahu!» apošnim časam nie vytrymlivała kankurencyi ź inšymi bolš funkcyjanalnymi i źmiastoŭnymi źmiaściliščami. A jašče raniej pra ekanamičny kryzis było zakryty daśledčycki adździeł firmy.
U adroźnieńnie ad inšych jeŭrapiejskich krainaŭ, u Biełarusi pasłuhami elektronnaje pošty yahoo karystajucca paraŭnalna niebahata ludziej, a siarod internet-poštaŭ rej viaduć mail.ru, gmail i tut.by.