Vyciskańnie inšadumcaŭ za miažu robicca hałoŭnaj taktykaj uładaŭ
Kraina zachłynajecca ŭ sudovych pracesach. Viciebsk – buntaŭcy. Žłobin – maładafrontaviec Zielankoŭ… Štodnia novyja i novyja paviedamleńni pra kryminalnyja i administracyjnyja spravy. Dumałasia, što pa vybarach usio supakoicca. Ale ŭłada praciahvaje cisk.
Kraina zachłynajecca ŭ sudovych pracesach. Viciebsk – buntaŭcy. Žłobin – maładafrontaviec Zielankoŭ… Štodnia novyja i novyja paviedamleńni pra kryminalnyja i administracyjnyja spravy. Dumałasia, što pa vybarach usio supakoicca. Ale ŭłada praciahvaje cisk.
Milinkievič abiacaje dapamohu paciarpiełym – navučańnie ci pracu za miažoju. Uładam heta tolki j treba.
Siabry z roznych kutkoŭ krainy raspaviadajuć toje samaje. Najbolš aktyŭnych dziejačoŭ sprabujuć vycisnuć za miažu. Jak niekali ŭ SSSR i PNR. Ludziej zvalniajuć z pracy, zavodziać kryminalnyja spravy, ale nie pazbaŭlajuć mahčymaści ŭciokaŭ. Nie kasujuć u pašpartach štempelaŭ na vyjezd. Navat padpiski nie biaruć. A znajomyja milicyjanty, za čarkaj, rajać achviaram źjaždžać, bo inakš «abaviazkova pasadziać». Na chimiju, a moža i…
Vyciskajuć, kab tut i znaku nie było valnadumstvu.
Tut užo kožny vyrašaje sam: źjaždžać ci nie.
Šmat, chto zastaŭsia ci zastajecca, kab iści da kanca jak Sieviaryniec, Fińkievič, Daškievič, Laškievič. Inšym patrebnaja adukacyja, praca. U kožnaha svaja sytuacyja. My, siabry ci paplečniki paciarpiełych, musim spakojna stavicca da kožnaha rašeńnia. Biez pahardy i z sercam.
Rusłan Raviaka
Baranavičy