Kreml nazvaŭ «hałoŭnaha» pa Ukrainie
kremlin.ru
Namieśnik kiraŭnika administracyi prezidenta Rasii Dźmitryj Kozak budzie zajmacca pytańniami palityki pa Ukrainie. Pra heta žurnalistam paviedamiŭ pres-sakratar prezidenta Dźmitryj Piaskoŭ, piša RBK.
Pa słovach Piaskova, Kozak na novaj pasadzie «zajmajecca i budzie praciahvać zajmacca ŭkrainskimi spravami i pytańniami intehracyi». «Dakładnaja farmuloŭka budzie ŭ raźmierkavańni abaviazkaŭ, jakija pakul nie farmalizavany», — dadaŭ jon.
Pres-sakratar stanoŭča adkazaŭ na pytańnie žurnalistaŭ pra toje, ci možna nazvać Kozaka hałoŭnym supracoŭnikam administracyi prezidenta, jaki budzie zajmacca ŭkrainskaj tematykaj.
Ukaz ab adstaŭcy Uładzisłava Surkova, jaki kuryravaŭ u tym liku ŭkrainski napramak palityki ŭ Kramli, z pasady pamočnika prezidenta Rasii nie padpisany, u Kramli pra heta nie abjaŭlali, zajaviŭ pres-sakratar.