Dziaŭčyna vykinuła zaručalny piarścionak u akvaryum u kramie. Chłopiec zalez u jaho i narvaŭsia na niepryjemnaści
Małady čałaviek, uradženiec Brahinskaha rajona, 21 lutaha zalez u akvaryum z rybami ŭ adnoj z kramaŭ pa vuł. Mazurava ŭ Homieli, dastaŭ niešta sa dna i pajšoŭ. Dziejańni niezvyčajnaha pakupnika trapili na videa. Kiraŭnictva handlovaha centra źviarnułasia z zajavaj u milicyju, piša BiełTA.
Siońnia 23-hadovy małady čałaviek samastojna pryjšoŭ u RAUS i patłumačyŭ pryčynu svajho ŭčynku.
«Jon raspavioŭ, što ŭ toj dzień zrabiŭ prapanovu ruki i serca dziaŭčynie, a jana vykinuła piarścionak u akvaryum. Chłopiec paprasiŭ pradaŭca prynieści sačok, kab dastać załatoje ŭpryhožvańnie. Ale čakać dapamohi nie staŭ i zalez u vadu. Znajšoŭšy piarścionak, syšoŭ razam ź dziaŭčynaj, jakaja zdymała jaho dziejańni na videa», — raspaviali va UUS.
U dačynieńni da maładoha čałavieka składzieny administracyjny pratakoł pa art. 17.1 KaAP (drobnaje chulihanstva), jon aštrafavany.