ES vydzielić €232 miljony na baraćbu z karanavirusam
Wikimedia Commons
Uspyška karanavirusa akaža ŭpłyŭ na ekanomiku Jeŭrasajuza. Pra heta zajaviŭ jeŭrakamisar pa antykryzisnym kiravańni Janez Lenarčyč, pieradaje Reuters.
Taksama Lenarčyč paviedamiŭ, što dla baraćby z novym typam karanavirusa ES vydzielić € 232 młn, havorycca na sajcie Jeŭrapiejskaj kamisii.
«Pakolki ŭžo zahinuła bolš za 2,6 tysiač čałaviek, u nas niama inšaha vybaru, akramia jak padrychtavacca na ŭsich uzroŭniach», — skazaŭ jeŭrakamisar.
Pavodle jaho słoŭ, častka srodkaŭ budzie nakiravana Suśvietnaj arhanizacyi achovy zdaroŭja, a častka finansavańnia pojdzie na padtrymku krain ź mienš raźvitymi sistemami achovy zdaroŭja.