Va Ukrainie jašče šaściarych čałaviek praviarajuć na karanavirus
Uzory bijałahičnaha materyjału znachodziacca ŭ refierens-łabaratoryi Centra hramadskaha zdaroŭja, paviedamlaje UNIAN.
Pra heta namieśnik ministra achovy zdaroŭja Viktar Laško paviedamiŭ na bryfinhu ŭ Kijevie.
«Ciapier va Ukrainie znachodziacca na daśledavańni 6 padazreńniaŭ na karanavirusnuju infiekcyju. Hetyja ludzi taksama izalavany, niekatoryja ŭzory bijałahičnaha materyjału znachodziacca ŭ refierens-łabaratoryi Centra hramadskaha zdaroŭja, niekatoryja buduć dastaŭleny na praciahu siońniašniaha dnia», — skazaŭ jon.
3 sakavika byŭ paćvierdžany pieršy va Ukrainie vypadak karanavirusa — u mužčyny, jaki z žonkaj viarnuŭsia ź Italii ŭ Čarnaŭcy. Miedyki špitalizavali mužčynu, a jaho žonka znachodziłasia doma. Paśla z-za pratestaŭ susiedziaŭ jana pahadziłasia na absiervacyju.