Kamunalniki z Brasłava atrymali vymovu za nazvu vulicy na ruskaj tranślitaracyi
Na vulicach Brasłava raniej źjavilisia pakazalniki vulic: na biełaruskaj movie i tranślitam. Adnak tranślitaracyja była vykanana niapravilna — z ruskaj movy.
Naprykład, vulica Čyrvonaarmiejskaja była paznačana jak Krasnoarmeyskaya street.
Fota: telehram-kanał «Biełarusizacyja».
Na heta źviarnuŭ uvahu nieabyjakavy hramadzianin i adpraviŭ zvarot miascovym uładam.
U adkazie, pad jakim stajaŭ podpis namieśnika staršyni rajvykankama Hieorhija Bušunova, paviedamlajecca, što kamunalniki Brasłava atrymali vymovu za niapravilnuju, «ruskuju» tranślitaracyju.
Dyrektaru kamunalnaha pradpryjemstva ŭkazali na niedastatkovy kantrol za pracaj padapiečnych.
Fota: telehram-kanał «Biełarusizacyja».