Pamior były hienieralny sakratar AAN Pieres de Kueljar. Jon pražyŭ 100 hadoŭ
Pieruanski dypłamat Chaŭjer Pieres de Kueljar pamior u Pieru na 101-m hodzie žyćcia. Jon pamior doma, a śmierć była vyklikanaja naturalnymi pryčynami.
Chaŭjer Pieres de Kueljar naradziŭsia 19 studzienia 1920 hoda ŭ Limie. Z 1940 hoda pracavaŭ u MZS Pieru, zajmaŭ pasady ŭ pasolstvach u Francyi, Vialikabrytanii, Balivii i Brazilii, byŭ pasłom u Šviejcaryi, u 1969-1971 hadach pasłom u SSSR.
Z 1982 pa 1991 hod byŭ hienieralnym sakratarom AAN, adpracavaŭšy na pasadzie dva terminy.
Na čas jaho staršynstva prypaŭ kanflikt na Fałklendach, irana-irakskaja vajna, uvarvańnie Sadama Chusejna ŭ Kuviejt.