Siońnia a 20.30 - hadzina vyklučanaha śviatła
Takaja akcyja pryviadzie da źnižeńnia spažyvańnia elektryčnaści prykładna na 10%. Ale nie da ekanomii: bo elektryčnaść heta nie nafta i nie drovy, jaje nie składzieš u schovišča.
Staryja Dni Salidarnaści adradžajucca! Pryčym sa zhody dziaržavy.28 sakavika ŭłady prapanujuć biełarusam vyklučyć śviatło. Arhanizatary akcyi – Suśvietny fond dzikaj pryrody – chočuć źviarnuć uvahu hramadstva na prablemy źmianieńnia klimatu. «Hadzina ziamli», to bok hadzina vyklučanaha śviatła, budzie doŭžycca z 20.30 pa minskim časie. Było b śmiešna, kab akcyja była pryznačana na 16‑aje čysło.
Na dumku enerhietykaŭ, takaja akcyja pryviadzie da źnižeńnia spažyvańnia elektryčnaści prykładna na 10%. Ale nie da ekanomii: bo elektryčnaść heta nie nafta i nie drovy, jaje nie składzieš u schovišča. Elektrastancyi źmianšać vypracoŭku enierhii na adnu hadzinu nie buduć, tamu rešta paprostu zmarnujecca. Bolš za toje, nahruzka na elektrasietku ŭ momant usieahulnaha padklučeńnia a 21.30 pryviadzie navat da pierahruzak.