Biełarusy zmohuć vylecieć rasijskimi avijarejsami z trecich krain
Nijakich prablem u hramadzian Biełarusi, jakija majuć na rukach kvitki na vylet bartami rasijskich avijapieravozčykaŭ z trecich krain, być nie pavinna. Pra heta havorycca ŭ zajavie pasła Rasii ŭ Biełarusi Dźmitryja Mieziencava.
Pavodle jaho słoŭ, adpaviednaje rasparadžeńnie ŭradam Rasii vydadziena. Akramia taho, jak adznačyŭ pasoł, kiraŭnik Fiederalnaha ahienctva pavietranaha transpartu Alaksandr Nieradźka, paćvierdziŭ, što ŭsie ŭkazańni ŭ metach vykanańnia ŭradavaha rasparadžeńnia avijacyjnym kampanijam Rasii dadzieny.
Mieziencaŭ padkreśliŭ, što pasolstva Rasii ŭ Biełarusi znachodzicca ŭ ciesnym kantakcie z MUS krainy, a taksama ź ministram zamiežnych spraŭ Uładzimiram Makiejem, jaki «zrabiŭ vielmi šmat dla taho, kab baki akazvali maksimalnuju ŭvahu hramadzianam, jakija apynulisia ŭ składanaj žyćciovaj situacyi».