Vajskoŭcy atrymali apioki na palihonie pad Asipovičami
Dvoje vajskoŭcaŭ 25 sakavika atrymali apioki ŭ vyniku zdareńnia na palihonie pad Asipovičami, paviedamlaje Ministerstva abarony.
U viedamstvie ŭdakładnili, što zaharełasia transpartna-zaradnaja mašyna adnaho z padraździaleńniaŭ, jakoje vykonvała vučebna-bajavyja zadačy ŭ chodzie palavoha vychadu. Vajskoŭcy, jakija atrymali apioki roznaj stupieni ciažkaści, špitalizavany.
Pryčyny ŭzharańnia techniki vyśviatlajucca, pracuje kamisija Minabarony.