Łukašenka pieraściaroh pryvatnyja kampanii ad zvalnieńniaŭ u čas kryzisu
president.gov.by
U čas naviedvańnia «Biełhipsa» Alaksandr Łukašenka pieraściaroh biznes ad zvalnieńnia ludziej u składany čas, paviedamlaje pres-słužba.
«Asabliva pryvatnyja pradpryjemstvy, ja zaŭvažyŭ (učora infarmacyja pastupiła), pačali zhortvać pracu, pierš za ŭsio budaŭničyja firmy, i, hałoŭnaje, zvalniać ludziej. Pieradajcie pryvatnikam, kab usie pačuli: kali tolki choć adna kampanija, drobnaja abo vialikaja, vykinie na vulicu ludziej (u dziaržaŭnych heta niemahčyma, tamu što my heta kantralujem), jana naŭrad ci dalej budzie isnavać u Biełarusi», — zajaviŭ Alaksandr Łukašenka.
Jon padkreśliŭ, što ŭ ciažki čas ludziej, naadvarot, padtrymlivać i zachoŭvać pracoŭnyja miescy. Jon upeŭnieny, što ŭ biznesu jość dla hetaha mahčymaści. «Niachaj u siabie ŭ kišeniach, siejfach paryjucca, padtrymajuć svaju kampaniju i ludziej, jakija na ich pracavali i zarablali hetyja hrošy», — padkreśliŭ kiraŭnik dziaržavy.
Pavodle jaho słoŭ, pakul situacyja nie źjaŭlajecca prablemnaj u Biełarusi, ale niehatyŭnyja tendencyi ŭžo vyznačajucca. «Heta tolki pačatak. Ale moža być horš. Vykinuć ludziej praściej. Kišeni hrašyma nabityja, asabliva ŭ budaŭnikoŭ: na kvaterach zarabili. Zaraz jon ludziej vykinie i hetyja hrošy budzie marnavać na siabie, a potym pryjdzie i skaža: ja ž pracoŭnyja siły mahu adnavić, ale daj mnie ci tanny kredyt, abo subsidyju ź biudžetu. Niachaj apošnim padzielacca, ale ludziej na vulicu nie vykidajuć», — padsumavaŭ Alaksandr Łukašenka.