Uźbiekistan budzie vypłačvać šmattysiačnyja bonusy miedykam, jakija zmahajucca z karanavirusam
Prezident Uźbiekistana Šaŭkat Mirzijojeŭ abvieściŭ pra dadatkovyja vypłaty miedpiersanału, jaki lečyć ludziej, chvorych na karanavirus. Daktary dadatkova atrymajuć 5 000 dalaraŭ na miesiac. Miedsiostram dabaviać bonusam 3 000 dalaraŭ štomiesiac. Dadatkovyja vypłaty čakajuć taksama sanitarak i techničny piersanał špitalaŭ.
Tyja miedrabotniki, jakija buduć zaražanyja virusam pry vykanańni svaich abaviazkaŭ, atrymajuć pa $10 000.
Va Uźbiekistanie vyjavili 83 pacyjentaŭ z «karonaj», paviedamlajecca pra 1 śmiarotny vypadak. Da pandemii va Uźbiekistanie pastavilisia nadzvyčaj surjozna. Kraina ŭviała režym nadzvyčajnaha stanovišča, jak tolki ŭ krainie byli vyjaŭlenyja pieršyja zaražeńni. Dziejničaje žorstki karancin i abmiežavańni na pierasoŭvańni navat unutry abłaściej.