U Baranavičach žančyny ŭ maskach abakrali piensijanierak
Žančyny ŭ maskach abakrali za dva dni dźviuch piensijanierak u Baranavičach, paviedamlaje MUS.
24 sakavika da žycharki Baranavič pastukalisia ŭ chatu dźvie žančyny, na tvarach jakich byli miedycynskija maski. Jany prapanavali piensijaniercy zapisacca na biaspłatnuju vakcynacyju ad hrypu. Babula zaprasiła ich na kuchniu, kab zapoŭnić dakumienty. U pracesie afarmleńnia zajaŭki adna z žančyn nieprykmietna vyjšła z kuchni. Paśla zapaŭnieńnia dakumientaŭ haspadynia kvatery pabačyła, što źnikli hrošy. Jana źviarnułasia ŭ milicyju.
Jašče adzin padobny kradziež hrošaj zdaryŭsia dniom raniej — 23 sakavika. 73-hadovaja haradžanka nia daličyłasia bujnoj sumy hrošaj paśla taho, jak adłučyłasia z chaty na niekalki hadzin. U chodzie pravierki vyśvietliłasia, što kluč ad uvachodnych dźviarej haspadynia doma chavała na niezamknionaj vierandzie. Apieratyŭniki vyśvietlili, što padčas adsutnaści piensijanierki ź jaje doma vyjšli žančyny ŭ achoŭnych maskach.