Ašukancy prapanoŭvajuć piensijanieram «pryščepku» ad karanavirusa za 250 rubloŭ
Ašukancy prapanoŭvajuć adzinokim minčukam vyratavacca ad niebiaśpiečnaha virusa z dapamohaj nieisnujučaj pryščepki. Pra heta karespandentu ahienctva «Minsk-Naviny» raskazała sacyjalny rabotnik terytaryjalnaha centra sacyjalnaha absłuhoŭvańnia nasielnictva.
Fota Nadziei Bužan.
— Afierysty źviartajucca da pažyłych haradžan, pradstaŭlajučysia rabotnikami sacyjalnaj słužby, i hatovyja zrabić vakcynu za 250 rubloŭ, — udakładniła śpiecyjalist. — Dobra, što maje padapiečnyja, pačuŭšy takuju «prapanovu», adrazu telefanujuć mnie. Ja ŭ svaju čarhu tłumaču, što nie na «pryščepku» treba zhadžacca, a ŭ milicyju telefanavać.
U HUUS Minharvykankama źviarnuli ŭvahu, što padobnych zajaŭ u orhany ŭnutranych spraŭ nie pastupała, ale saviet sacrabotnika svaim padapiečnym uchvalili.
— Nie adčyniajcie dźviery nieznajomym ludziam, u tym liku tym, chto pradstaviŭsia supracoŭnikam sacyjalnaj abo kamunalnaj słužby, — papiaredziła aficyjny pradstaŭnik upraŭleńnia Natalla Hanusievič. — Spačatku paprasicie naviedvalnikaŭ pakazać dakumienty, a potym patelefanujcie ŭ TCSAN svajho rajona i ŭdakładnicie, ci heta ich supracoŭnik. Ab niaprošanych naviedvalnikach možna paviedamić u milicyju.