U Rasii pryznali, što nafta pa $25 moža stvaryć vialikija prablemy dla ekanomiki
Rasija zmoža vytrymlivać canu na naftu ŭ $25 na praciahu paŭhoda — hoda dziakujučy hnutkaj sistemie padatkaabkładańnia, zajaviŭ u intervju telekanału RBK namieśnik ministra enierhietyki Rasii Pavieł Sarokin. Pry hetym biudžet niedaatrymaje dachody, ale Rasija nazapasiła značnyja zołatavalutnyja zapasy, patłumačyŭ namieśnik ministra.
Pieražyć składany pieryjad pramysłovaj industryi dapamoža i devalvacyja, pryznaŭ Sarokin. Jon dadaŭ, što devalvacyja — heta «niepryjemna», bo zaŭsiody ŭsprymajecca niehatyŭna i sapraŭdy bje pa realnych dachodach nasielnictva.
Ale kali cana na naftu zachavajecca na ŭzroŭni $25 na praciahu dvuch-troch hadoŭ, heta stvoryć vialikija prablemy, patłumačyŭ namieśnik ministra.