Pastaŭki nafty z Rasii ŭ Biełaruś na miažy zryvu praz novyja roznahałośsi
Pačatak pastavak nafty z Rasii ŭ Biełaruś u krasaviku pad pahrozaj zryvu, pakolki najbujniejšyja rasijskija kampanii da hetaha času nie padpisali damovy ź Biełnaftachimam z-za roznahałośsiaŭ, paviedamili Reuters čatyry krynicy ŭ halinie.
Minsk choča bolšuju častku abjomu atrymlivać pa-raniejšamu ad hrupy Safmar, a rasijskija kampanii nastojvajuć na pryncypie roŭnadastupnaści, što praduhledžvaje ekspart u kožnym kirunku ŭ adpaviednaści sa zdabyčaj vytvorcy, udakładnili surazmoŭcy ahienctva.
Asnoŭnaj prablemaj pieramovaŭ krain niečakana staŭ skład pastaŭščykoŭ: kampanii hrupy Safmar, na dumku astatnich eksparcioraŭ, užo nie majuć prava nakiroŭvać syravinu na NPZ Biełarusi, bo heta parušaje pryncyp roŭnadastupnaści, kažuć krynicy.
Pry adsutnaści damoŭlenaściaŭ pastaŭščykami nafty ŭ Biełaruś u krasaviku znoŭ mohuć zastacca tolki kampanii hrupy Safmar, ličać try krynicy ahienctva.
Raniej na hetym tydni premjer-ministr Siarhiej Rumas zajaviŭ, što Rasija ŭzhadniła prapanavanyja Minskam umovy pastaŭki nafty. Krynicy Reuters udakładnili, što havorka idzie ab pavieličeńni źnižki da formuły cany na $12 da $15,7 za tonu.