Krainy ES u patrebie atrymlivajuć hihanckija kredyty
Dasiahnutaja damoŭlenaść ab vydzialeńni Rumynii až 27 młrd dalaraŭ na lhotnych umovach.
Dasiahnutaja damoŭlenaść ab vydzialeńni Rumynii až 27 młrd dalaraŭ na lhotnych umovach.
Jeŭrasajuz, Mižnarodny valutny fond, Suśvietny bank i Jeŭrapiejski bank rekanstrukcyi i raźvićcia dasiahnuli damoŭlenaści z rumynskim uradam na vydzialeńnie kraina 20 młrd jeŭra, ci to 27 młrd dalaraŭ na baraćbu z nastupstvami ekanamičnaha kryzisu. Hetaja navina rezka pavysiła kaciroŭki akcyj rumynskich pradpryjemstvaŭ, a kurs rumynskaha leja papoŭz uvierch.
Krainy Jeŭrasajuzu, abaronienyja miechanizmam uzajemadapamohi, atrymlivajuć našmat bolš srodkaŭ u kryzisnyja momanty, čym krainy SND, dzie kryzis navat bolš vyjaŭny. 25 miljardaŭ dalaraŭ sabrali ŭ pakiet dapamohi Vienhryi, kala 10 miljardaŭ paabiacana Łatvii. Sierbija, što viadzie pieramovy ź ES pra status krainy‑kandydata, atrymaje tolki kala 3,7 miljarda dalaraŭ.
Nahadajem, što Biełarusi MVF paabiacaŭ 2,5 miljarda dalaraŭ. Jašče 2 miljardy Minsku vyłučała Rasija, 0,5 miljarda — Vieniesueła.
Ciažkija prablemy źviedvaje taksama ekanomika Ukrainy.
U toj ža čas niekatoryja krainy zachoŭvajuć zachaplalny zapas tryvałaści pierad kryzisam: haspadarki Polščy, Słavaččyny, Słavienii, Finlandyi praciahvajuć choć i ścišany, ale rost.